Сочинение на тему: «Монь республиказе – Мордовиясь».

                                    Мордовияса шачень, вирень крайса,

                                Сась Родиназень, кода маштан, шнаса.

                           Мон эряскодан тяза мастор крайста,

                             Эсь сизефозень Мокша ляйса штаса.

                        Мордовиязе! Сокань кельги мода,

                                     Аф явихть фкя-фкянь эзда тевсь и валце.

                       И ичкозден, и мала раднят содат,

                                Аф машты шра лангстот кшице-салце.

                                                                         Р.Орлова

                                                                                                                                   

         Лама нациянь ломатть эряйхть странасонк, и сембе синь келгсазь Россиять эсь масторлангснон. Шачема ширезе Россиять анцяй пялькскяц, кона тейне инь малась и питнись. Мокшерзянь масторсь козя и мазы. Васендакиге козя эсь ломанензон мархта. Улихть минцень учёнаеньке, писателеньке, спортсменоньке и стак тов.

           Мон шачень и касонь Саранскяй ошса, коса мазыдонга мазы перьфпяльсь. Тя цебярь и мазы ош. Мекольдень пингть ошса строявихть лама этажса кутт, ульцятнень эзга озафнихть шуфтт, кусторкст, панчфт.

         Тячи тейнек ули мезьса шнафтомс пря. Саранск ошсь тиевсь мокшетненди и эрзятненди культурнай центракс.

           Ошоньконь мазопнесазь спортонь мазыдонга – мазы зданиятне: эйень дворецсь, спорткомплексне, стадиоттне. Мяльце хоккейса налхк, мяльце – архт спортивнай корттнень эса тенниса налхк, мяльце - бассейнаса уенть. Шумбрашицень кемокснек.   Примеронди тейнек арайхть минь содаф земляконьке: боксёрс Олег Маскаев, спортивнай гимнастикаса сяськись Алексей Немов, тюремаса сяськись Алексей Мишин, спортивнай аськоляй Олимпийскяй чемпиоттне Денис Нижегородов, Валерий Борчин, Ольга Каниськина, Елена Лашманова, миронь чемпионць Сергей Кирдяпкин и лиятне.

        Строяф муздрамтеатра, коса путнихть спектакльхть. Улихть кинотеатрат, кунардонь памятникт, стадиотт, библиотекат. Шабаттненди ули някань театра. Сембе мирса содаф скульпторть Степан Дмитриевич Эрьзянь лемса музейсь. Аф кунара строяф пяк мазы национальнай театра и святой праведнай воинть Федор Федорович Ушаковонь лемса соборсь. Эряйхненди и инжихненди ули коза молемс ваймама.

         Мон пяк кельгса эсь ошезень и надиян и верондан, што сяда товга шачема уженязе кармай вихонзама и виияма.

         Сяс эрти эздонк эряви арьсемс васендакиге шачема мастороньконь, ёмла родинаньконь касоманц-виияманц колга. Эрявихть ванфнемс ваймосонк иланьке-коеньке, кода ванфнезь и азонкшнезь унокснонды, идьснонды атянь-атяньке. И катк кемокснихть и вииякшнихть нароттнень ёткса ялгаксшинь сотксне .

         Мордовиязе ащи кеме пильге лангса, кайги сембе масторга и сядонга мазопнесы Россиять эсь пара тевонзон мархта!

 

Ученица 4 класса Кочеткова Настя

 

Контакт

Словарный диктант. Наречие. 7 класс.docx
Microsoft Word документ 14.1 KB
Тестовые задания (причастие, глагол) 7 к
Microsoft Word документ 29.8 KB

Телефон:

Адрес: